संकल्प मिडिया सेन्टरद्वारा संचालित

मैले ल्याएको अध्यादेश र अहिलेको अध्यादेश एकै होइन ? अध्यक्ष ओली

  •   काठमाडौं
  •   ९ भाद्र २०७८, बुधबार
  •   त्रिबेणी

नेकपा एमालेका अध्यक्ष केपी शर्मा ओलीले आफ्नो नेतृत्वमा रहेको सरकारले ल्याएको र वर्तमान सरकारले ल्याएको दल विभाजनसम्बन्धी अध्यादेशको उद्देश्य एउटै नभएको बताउयनुभएको छ ।ललितपुरको च्यासलस्थित तुल्सीलाल स्मृति प्रतिष्ठानमा आयोजित पत्रकार सम्मेलनमा बोल्दै अध्यक्ष ओलीले संविधान कार्यान्वयन र लोकतन्त्रको रक्षाका लागि आफूले दल विभाज अध्यादेश ल्याएको दाबी गर्दै अहिले नेकपा एमालेको अन्तरविद्रोहलाई विभाजनमा पुर्‍याउन अध्यादेश ल्याइएको बताउनुभयो ।

उहाँले आफूहरुले ल्याएको अध्यादेश र परमादेश सरकारले ल्याएको अध्यादेशको उद्देश्य नियत, प्रक्रिया, मनसाय सबै फरक रहेको बताउनुभयो । पार्टी फुटाउने उद्देश्यसाथ अध्यादेश ल्याउनु अनैतिक कार्य भएको ओलीले बताउनुभयो । देश बचाउन अध्यादेश ल्याइएको प्रचण्डको भनाइको उहाँले खण्डन गर्नुभयो । यो अध्यादेश नल्याएको भए देश के हुन्थ्यो रु देश बरफको डल्लो हो रु पग्लिनलाईरु यो एमाले फुटाउन नपाएको भए देश के हुन्थ्योरु यो अनैतिक अध्यादेश नआउँदा देशलाई केही फरक पर्दैनथ्यो, उहाँले भन्नुभयो ।

त्यतिबेला पार्टी फुटाउने उद्देश्यले अध्यादेश ल्याइएको थिएन, त्यतिबेला कुनै पनि पार्टी फुटोस् भन्ने हाम्रो उद्देश्य थिएन, हामीले ल्याएको अध्यादेशमा ४० प्रतिशत संविधानले गरेको व्यवस्था हो, हामीले संसदीय दल र केन्द्रीय कमिटी दुबैमा ४० प्रतिशत भनेका थियौं, संविधानको कार्यान्वयनका लागि अध्यादेश ल्याइएको हो’, अध्यादेश जारी गर्नु आफैंमा असंवैधानिक नभएको बताउँदै ओलीले भन्नुभयो , ‘तर संसद् नचलेका बेला तत्काल आवश्यक परेको बेला अध्यादेश ल्याउन सकिन्छ, अहिले नेकपा एमालेको अन्तरविद्रोहलाई विभाजनमा पुर्‍याउन अध्यादेश ल्याइएको हो।’ उहाँले माधव नेपाललाई सहज होस भनेरै रातारात अध्यादेश ल्याएको बताउनुभयो । ‘माधव नेपालसँग जति संख्या पुग्छन् त्यति मात्रै व्यवस्था गरेर अध्यादेश ल्याएको भए हुन्थ्यो नि, माधवले एमाले फुटाएपछि अध्यादेश फिर्ता लिइनेछ भन्ने व्यवस्था राखेको भए हुन्थ्यो, तर उहाँहरु आफै थर्कमान हुनुहुन्छ, आफ्नै पार्टीमा पहिरो नजाहोस् भनेर,ु उहाँले भन्नुभयो ।