संकल्प मिडिया सेन्टरद्वारा संचालित

सुनको ढिक्का र दुई लाख भारुसहित क्षत्री पक्राउ, सकेनन् स्रोत खुलाउन

  •  
  •   २५ जेष्ठ २०७६, शनिबार
  •  

काठमाडौँ । प्रहरीले स्रोत खुलाउन नसकेको गरगहनासहित एक जनालाई पक्राउ गरेको छ । पक्राउ पर्नेमा स्याङजा आँधीखोला नगरपालिका–६ घर बताउने ४५ वर्षीय भीमबहादुर भाट क्षत्री रहेका छन् ।
शंकास्द रुपमा हिँडिरहेका क्षत्रीलाई चेकजाँच गर्ने क्रममा शुक्रबार सुनचाँदीको ढिक्का र भारतीय रुपैयाँलगायतको सामानसहित रुपन्देही प्रहरीले पक्राउ गरेको हो ।
झोलामा लुकाई राखेको करिब २१ तोला ६२ लाल बराबरको सुनको ढिक्का १ थान, करिब १ केजी ९४ ग्राम बराबरको चाँदीको ढिक्का १ थान, करिब ५ तोलाको चाँदीको सिक्का ३ थान र विभिन्न दरका भारतीय रुपैयाँ २ लाख ६१ हजार ७ सय, ४ थान मोबाइल र बिभिन्न कम्पनीका घडी ६ थानसहित क्षत्रीको साथबाट बरामद भएको प्रहरीले जनाएको छ ।
पक्राउ परेका क्षत्रीमाथि थप अनुसन्धान भइरहेको प्रहरीले जनाएको छ ।