संकल्प मिडिया सेन्टरद्वारा संचालित

बराबरी जीतको हैसियतमा सम्झौता गर्न तयार: चीन

  •   चीन
  •   २१ जेष्ठ २०७६, मंगलवार
  •   एजेन्सी

व्यापार युद्धले स्वयं अमेरिकालाई पनि घाटा लाग्ने चेतावनी दिँदै चीनले अहिले भइरहेको व्यापारिक अवरोध वार्ता र छलफलको माध्यमबाट टुंगो लगाउनुपर्नेमा जोड दिएको छ ।
‘अहिलेको समस्या समाधानको लागि चीनले दुवै पक्षको बराबरी जीतको हैसियतमा वार्ता र छलफल होस् भन्ने चाहन्छ,’ श्वेतपत्रमा लेखिएको छ, ‘तर त्यो विश्वव्यापी सिद्धान्तका आधारमा हुनुपर्छ ।’
चीनले कुनै पनि सिद्धान्तमा सम्झौता नहुने, आफूले व्यापार युद्ध नचाहेको र सहमति तथा सहकार्यबाट दुवै देशको बराबरी जितको हैसियतमा सम्झौता गर्न तयार रहेको बताएको छ । तर आफू कुनै पनि स्थापित सिद्धान्तको विपरित नजाने चीनले स्पष्ट पारेको छ ।
अमेरिकाले एकतर्फी रुपमा व्यापारिक सिद्धान्तलाई लागू नगरेको र सारा विश्वलाई असर पर्ने गरी नयाँ खालको शुल्क र महसुल लगाएको चीनको भनाइ छ ।
अन्तर्राष्ट्रिय नियम कानुनप्रति आफू पूर्णप्रतिबद्ध रहेको बताउँदै चीनले नयाँ खालका कानुनी उपचारलाई पनि सम्मान गर्ने र सकारात्मक नतिजा निकाल्नका लागि आफू प्रतिबद्ध रहेको स्पष्ट पारेको छ । चीनले कुनै पनि प्रमुख सिद्धान्तहरुमा सम्झौता नगर्ने, व्यापार युद्ध नचाहने, तर व्यापार युद्ध भइहाले त्यसको निम्ति जस्तोसुकै कदम चाल्न नडराउने चेतावनी पनि दिएको छ ।