संकल्प मिडिया सेन्टरद्वारा संचालित

न्युजिल्यान्डको तेस्रो जित

  •  
  •   २६ जेष्ठ २०७६, आईतवार
  •  

एजेन्सी/न्युजिल्यान्डले एकदिवसिय विश्वकप क्रिकेटमा लगातार तेस्रो जित हात पारेको छ । शनिबार राति भएको खेलमा न्युजिल्यान्डले अफगानिस्तानलाई ७ विकेटले हरायो ।
एक सय ७३ रनको विजयी लक्ष्य न्युजिल्यान्डले ३२.१ ओभरमा ३ विकेटको क्षतिमा पूरा गरेको थियो । न्युजिल्यान्डका लागि कप्तान केन विलियम्सन ७९ रन बनाए । रोस टेलरले ४८, कोलिन मुन्रोले २२ र टम लाथमले अविजित १३ रन जोडे । अफ्गानिस्तानका लागि अफ्तव आलमले तीन विकेट लिए ।
यसअघि टस हारेर पहिले ब्याटिङ गरेको अफगानिस्तानले ४१.१ ओभरमा सबै विकेट गुमाएर एक सय ७२ रन बनाएको थियो । अफगानिस्तानका लागि हास्मतउल्लाह साहिदीले सर्वा्धिक ५९ रनको अर्धशतकीय पाली खेले । हज्रतउल्लाह जजाईले ३४र नुर अली जड्रानले ३१ रन बनाए ।
न्युजिल्याण्डका जेम्स निशमले पाँच विकेट लिए । लोकी फेर्गुसनले चार विकेट लिए ।  तेस्रो जितसँगै न्युजिल्याण्डले ६ अंक बनाएको छ । तीनवर्ट खेलमा हार बेहोरेको अफगानिस्तानले खाता खोल्न सकेको छैन ।