संकल्प मिडिया सेन्टरद्वारा संचालित

दुबई उड्नुपर्ने नेपाल एयरलाइन्स जहाज पुग्यो मलेसिया !

  •  
  •   २६ भाद्र २०७५, मंगलवार
  •  

२६ भदौ, काठमाडौं । नेपाल एयरलाइन्सको न्यारोबडी विमान दुबई उड्ने निर्धारित उडान नै रद्ध गरेर मलेसिया पुगेको छ । आइतबार राति दुबईको लागि उड्नु पर्ने ए३२० ९एन एकेडब्लु विमान उडान नै रोकेर मलेसिया पुगेपछि दुबई र नेपालमा धेरै यात्रुलाई एयरलाइन्सले होटलमा आफ्नै खर्चमा राख्नुपरेको छ ।
निगमका एक उच्च अधिकारीका अनुसार एक आईएनजीओको मलेशियामा हुन लागेको कार्यक्रमका लागि दुबई उड्न लागेको विमानको तालिका रद्द गरेर मलेसियातर्फ उडाइएको हो ।
दुवई उडान रद्द गर्नुपर्ने बाध्यात्मक अवस्था सिर्जना भएकाले उडान नभएको निगमका सहायक प्रवक्ता शैलेश कंसाकारले बताए । उनले मलेसिया नजाँदा त्यहाँका यात्रुले धेरै समय कुर्नुपर्ने देखिएपछि दुबइको उडान रोकिएको बताए ।
पछिल्लो समय व्यवस्थापनपक्षले संस्थालाई सुधार गर्नुको साटो थप धराशयी बनाउने बाटोमा अघि बढेको असन्तुष्ट कर्मचारीहरुको गुनासो बढ्दै गएको छ ।