संकल्प मिडिया सेन्टरद्वारा संचालित

डोनल्ड ट्रम्पले बेलायती महारानीलाई भेटे, मेयरसँग भिडे

  •   अमेरिकी
  •   २१ जेष्ठ २०७६, मंगलवार
  •   एजेन्सी

अमेरिकी राष्ट्रपति डोनल्ड ट्रम्प ब्रिटेनको तीन दिवसीय भ्रमणमा छन् । आफ्नो यो भ्रमणको सुरुवातमा उनले महारानी एलि

जाबेथसँग भेटघाट गरेका छन् । यतिबेला ट्रम्पकी श्रीमती मेलानिया ट्रम्प पनि उनीसँगै थिइन् ।
डोनल्ड ट्रम्प र मेलानिया ट्रम्पलाई बकिंघम प्यालेसमा औपचारिक तरिकाले स्वागत गरियो, त्यसपछि उनका लागि एउटा नीजि भोजको व्यवस्था गरिएको थियो ।


ट्रम्पले उक्त भेटबारे ट्वीट गरेर जानकारी दिए, ‘लण्डनको भ्रमण निकै शानदार चलिरहेको छ ।’
यसका साथै उनले लेखे, ‘पूरा शाही परिवार उत्कृष्ट छन् र अमेरिका ब्रिटेनको सम्बन्ध निकै बलियो छ ।’
अन्य एक ट्वीटमा ट्रम्पले दुई देशबीच व्यापारसँग जोडिएको एउटा ठूलो सम्झौता हुनसक्ने सम्भावना व्यक्त गरेका छन् ।


डोनल्ड ट्रम्प र मेलानियाको स्वागतमा आयोजित लञ्चमा विभिन्न प्रकारको व्यञ्जन पस्किइएको थियो । यतिबेला प्रिन्स चार्ल्सको पनि उपस्थिती थियो ।


ट्रम्प र लण्डनका मेयर भिडेः
यसअघि डोनल्ड ट्रम्पले लण्डनका मेयर सादिक खानको आलोचना गरे ।
ट्रम्प र सादिक खान पहिले पनि एक–अर्कासँग भिडिसकेका छन् । यस्तोमा जब ट्रम्प लण्डन पुगे तब दुईबीचको ‘ट्वीटर वार’ देख्न पाइयो ।

 

Donald J. Trump

 

@realDonaldTrump

 

London part of trip is going really well. The Queen and the entire Royal family have been fantastic. The relationship with the United Kingdom is very strong. Tremendous crowds of well wishers and people that love our Country. Haven’t seen any protests yet, but I’m sure the….

38K people are talking about this
 
 

ट्रम्पले सादिक खानबारे ट्वीट गरे, ‘सादिक खानले लण्डनको मेयरको रुपमा निकै बेकारको काम गरेका छन् । उनी अमेरिकी राष्ट्रपतिको ब्रिटेन भ्रमणका कारण निकै चिन्तामा छन् जबकी ब्रिटेन र अमेरिकाबीच निकै राम्रो सम्बन्ध छ । उनले मलाई होइन लण्डनको अपराधमा ध्यान दिनुपर्छ ।’

 

Donald J. Trump

 

@realDonaldTrump

 

.@SadiqKhan, who by all accounts has done a terrible job as Mayor of London, has been foolishly “nasty” to the visiting President of the United States, by far the most important ally of the United Kingdom. He is a stone cold loser who should focus on crime in London, not me……

81.5K people are talking about this
 
 

यस्तै, अर्को तर्फ सादिक खानले ट्रम्पको स्वागतका लागि रेड कार्पेट बिछ्याउन आवश्यक नभएको बताएका छन् ।
सादिक खानले ट्वीटरमा एउटा भिडियो पनि पोष्ट गरेका छन् जसमा उनले डोनल्ड ट्रम्पलाई सम्बोधन गर्दै महिलासँग कस्तो व्यवहार गर्नुपर्ने बताएका छन् ।
ट्रम्पविरुद्ध विरोध प्रदर्शनः
ट्रम्प दम्पत्ति सोमबार जब लण्डन पुगे तब उनीहरु बस्ने व्यवस्था सेन्ट्रल लण्डनस्थित अमेरिकाका राजदूतको निवास स्थानमा गरिएको थियो ।


ब्रिटेनका विभिन्न शहरमा ट्रम्पको भ्रमणको विरोधमा प्रदर्शन पनि गरियो । उक्त विरोध प्रदर्शन लण्डन, म्यान्चेस्टर, बेलफास्ट र बर्मिंघमसहित विभिन्न शहरमा भइरहेको छ ।


लेबर पार्टीका नेता जरेमी कोरबिनले सरकारको तर्फबाट ट्रम्पका लागि आयोजित डिनरमा भाग नलिने निर्णय गरे । लेबर पार्टीका प्रवक्ताका अनुसार जेरेमी लण्डनमा भइरहेको एक विरोध प्रदर्शनमा भाग लिनसक्ने र त्यसलाई सम्बोधन पनि गर्नसक्छन् ।


डोनल्ड ट्रम्प र ब्रिटेनका प्रधानमन्त्री टेरेजा मेबीच मंगलबार बैठक हुनेछ । यतिबेला दुई नेता जलवायु परिवर्तन र चीनको टेक्नोलोजी कम्पनी ह्वावेको सम्बन्धमा चर्चा गर्नसक्छन् ।