संकल्प मिडिया सेन्टरद्वारा संचालित

आईसीसी विश्वकप : आजको खेलमा प्रभाव पार्न सक्ने खेलाडी

  •  
  •   २१ जेष्ठ २०७६, मंगलवार
  •  

एजेन्सी/मोहम्मद नाबी (अफगानिस्तान)
मोहम्मद नाबी अफगानिस्तानका अनुभवी खेलाडी हुन् । ३४ वर्षीय नाबी टोलीका अलराउन्डर हुन् । उनी आईसीसी एकदिवसीय अलराउन्डर वरीयताको तेस्रो स्थानमा आसीन खेलाडी हुन् । टोलीको महŒवपूर्ण सफलताहरूमा नाबीको महŒवपूर्ण भूमिका रहँदै आएको छ । यद्यपि, जारी विश्वकपको अस्ट्रेलियासँगको खेलमा उनी चल्न सकेनन् । उनले अफगानिस्तानका लागि एक सय १३ एकदिवसीय खेलमा एक सय एक पाली खेल्दै २८.८७ को औसतले कुल दुई हजार पाँच सय ९९ रन बनाएका छन् ।
एकदिवसीय क्रिकेटको उनको उच्च स्कोर एक सय १६ रन हो । बलिङतर्फ पनि उनले एकदिवसीय क्रिकेटमा एक सय नौ पाली खेल्दै एक सय १८ विकेट लिएका छन् । बलिङतर्फ उनको उत्कृष्ट प्रदर्शन ३० रन दिएर चार विकेट हो । उनी इन्डियन प्रिमियर लिग (आईपीएल) खेल्ने अफगानिस्तानका पहिलो क्रिकेटर पनि हुन् ।
एन्जेलो म्याथ्युज ( श्रीलंका)
श्रीलंकाली क्रिकेट टोलीका प्रभावशाली खेलाडीमध्ये एक हुन्, एन्जेलो म्याथ्युज । ३२ वर्षीय म्याथ्युज टोलीका अनुभवी अलराउन्डर हुन् । यद्यपि, न्युजिल्यान्डविरुद्घको पहिलो खेलमा उनी शून्य रनमै पेभेलियन फर्किएका थिए । तर, मंगलबार हुने अफगानिस्तानसँगको खेलमा म्याथ्युजबाट       श्रीलंकाले उत्कृष्ट प्रदर्शनको आशा गरेको छ । म्याथ्युजले       श्रीलंकाका लागि दुई सय पाँच एकदिवसीय खेलमा एक सय ७५ पाली खेल्दै ४१.७१ को औसतले कुल पाँच हजार तीन सय ८१ रन बनाएका छन् ।
एकदिवसीय क्रिकेटमा उनको उच्च स्कोर अविजित एक सय ३९ रन हो । एकदिवसीय क्रिकेटको एक सय ५४ पालीमा बलिङ गरेका म्याथ्युजले एक सय १४ विकेट पनि लिएका छन् । बलिङतर्फ उनको उत्कृष्ट प्रदर्शन २० रन दिएर ६ विकेट हो । सम्भवतः आफ्नो जीवनको अन्तिम विश्वकप खेलिरहेकाले पनि उनी यसलाई अविस्मरणीय बनाउने धुनमा छन् ।